Ċirkulari 02/25
Lill-istazzjonijiet kollha tax-xandir
Kors għal dawk li jużaw il-Malti fix-Xandir
Bi pjaċir ninfurmakom li, bejn Marzu u Mejju li ġej, l-Awtorità tax-Xandir bi sħab mal-Kunsill Nazzjonali tal-Ilsien Malti se ttella’ kors ieħor għal dawk li jużaw il-Malti fix-xandir (televiżjoni, radju, internet u gazzetti).
Il-kors se jkun mifrux fuq disa’ ġimgħat kif indikat hawn taħt, min-12:30pm sas-2:30pm l-Awtorità tax-Xandir il-Ħamrun, għajr is-sessjoni tas-17 ta’ April li se ssir online:
|
|
SESSJONI
|
TAQSIMA
|
|
|
Ħam
13 Mar
|
Sengħa tal-Kitba
|
|
|
Ħam
20 Mar
|
Ortografija
|
|
|
Ħam
27 Mar
|
Sengħa tal-Kitba
|
|
|
Ħam
03 Apr
|
Pronunzja u Dizzjoni
|
|
|
Ħam
10 Apr
|
Ortografija
|
|
|
Ħam
17 Apr
|
Pronunzja u Dizzjoni (Zoom)
|
|
|
Ħam
24 Apr
|
Sengħa tal-Kitba
|
|
|
Erb
30 Apr
|
Traduzzjoni
|
|
|
Ħam
8 Mej
|
Traduzzjoni
Riżorsi
|
Dan il-kors hu maħsub għall-ġurnalisti tal-aħbarijiet u tal-isport (TV, radju, internet u gazzetti), impjegati li jieħdu ħsieb il-grafika, impjegati ta’ aġenziji privati tal-produzzjoni tal-programmi, u kittieba tal-iskripts u r-reklami.
L-applikazzjonijiet fetħu u qed jintlaqgħu sal-Ġimgħa 28 ta’ Frar 2025. Ma’ din iċ-ċirkulari ssibu l-formola tal-applikazzjoni li tista’ timtela u tintbagħat b’email lis-Sur Jean-Pierre Caligari, Senior Programme Monitor, fuq jean-pierre.caligari@ba.org.mt.
Inħeġġiġkom tibagħtu lill-impjegati tagħkom ħalli, bl-għajnuna ta’ xulxin, inkomplu naħdmu biex intejbu l-livell tal-Malti fix-xandir. Napprezza jekk ikollna rappreżentant/a minn kull stazzjon u aġenzija tal-produzzjoni u li tagħmlu l-arranġamenti meħtieġa biex dawn ikunu jistgħu jattendu 9 sessjonijiet b’kollox ta’ sagħtejn, darba fil-ġimgħa.
Formola tal-applikazzjoni
Dr Joanna Spiteri
Kap Eżekuttiv
13 ta’ Frar 2025
Ref : 73/01