Ċirkulari 07/21
Ċirkulari lix-Xandara
Kors għal dawk li jiktbu u jaqraw bil-Malti fuq il-mezzi tax-xandir
L-Awtorità tax-Xandir u l-Kunsill Nazzjonali tal-Ilsien Malti qed jorganizzaw kors qasir għall-impjegati tal-istazzjonijiet tat-televiżjoni u r-radju, is-siti elettroniċi tal-aħbarijiet, u d-djar privati tal-produzzjoni tal-programmi li f’xogħolhom jiktbu u jaqraw bil-Malti. Fost dawn hemm: il-preżentaturi u l-produtturi tal-programmi tat-televiżjoni u r-radju, il-kittieba tal-iskripts tal-programmi u tad-drama, il-ġurnalisti tal-aħbarijiet u tal-isports (televiżjoni/radju/diġitali), il-qarrejja tal-aħbarijiet, il-qarrejja tar-reklami, u d-DJs ta’ programmi tar-radju.
Il-kors twil seba’ ġimgħat u se jsir online, fid-dati indikati hawn taħt. Kull sessjoni tingħata diretta online mid-9:00am sal-11:00am.
|
SESSJONI
|
DATA
|
QASAM LINGWISTIKU
|
|
1
|
Il-Ħamis, 13 ta’ Jannar 2022
|
Is-Sengħa tal-Kitba
|
|
2
|
Il-Ħamis, 20 ta’ Jannar 2022
|
Il-Pronunzja u d-Dizzjoni
|
|
3
|
Il-Ħamis, 27 ta’ Jannar 2022
|
Is-Sengħa tal-Kitba
|
|
4
|
Il-Ħamis, 3 ta’ Frar 2022
|
It-Traduzzjoni
|
|
5
|
It-Tnejn, 7 ta’ Frar 2022
|
It-Traduzzjoni
Ir-Riżorsi tal-Malti
|
|
6
|
Il-Ħamis, 17 ta’ Frar 2022
|
Il-Pronunzja u d-Dizzjoni
|
|
7
|
Il-Ħamis, 24 ta’ Frar 2022
|
Is-Sengħa tal-Kitba
|
Kif jidher mit-tabella t’hawn fuq, dan il-kors jiffoka fuq aspetti importanti, bħas-sengħa tal-kitba u l-pronunzja, li kull min jikteb u jaqra għall-pubbliku fuq ix-xandir u fuq l-internet għandu jkun konxju minnhom. Ma jinkludix komponent tal-ortografija għax għandna l-ħsieb norganizzaw kors qasir ieħor apposta fuqha ’l quddiem.
Jekk jogħġobkom dawru din iċ-ċirkulari mal-impjegati tagħkom u mal-kumpaniji li jipproduċulkom il-programmi ħalli jkunu mgħarrfa. Nitolbukom ukoll biex tibagħtu mqar persuna mill-istazzjon tagħkom u tħajru wkoll persuni oħra mid-djar tal-produzzjoni li taħdmu magħhom għal dan il-kors qasir ta’ żvilupp professjonali. Min jattendi mitlub biex waqt is-sessjonijiet, kemm jista’ jkun, ikollu l-kamera mixgħula u jsegwi kull sessjoni minn post għall-kwiet bl-inqas tfixkil possibbli. B’hekk il-kontenut tal-kors jitwassal b’mod aktar effettiv.
Fi tmiem il-kors, min ikun attenda u pparteċipa f’minimu ta’ 12-il siegħa (minn total ta’ 14-il siegħa), jingħata ċertifikat ta’ attendenza mill-Awtorità tax-Xandir u l-Kunsill Nazzjonali tal-Ilsien Malti.
Dawk kollha interessati li japplikaw għandhom jagħmlu dan sas-6 ta’ Jannar 2022 billi jimlew il-formola mehmuża u jibagħtuha fuq info.ba@ba.org.mt.
Il-kors jiswa €25. Il-ħlas jista’ jsir b’ċekk indirizzat lill-Awtorità tax-Xandir jew bi trasferiment bankarju fil-kont tal-Lombard Bank nru (IBAN): MT58LBMA05000000000001172103044.
Kors għal dawk li jiktbu u jaqraw bil-Malti fuq il-mezzi tax-xandir
Formola tal-applikazzjoni
Nixtieq napplika għal dan il-kors fil-Malti ta’ seba’ ġimgħat, organizzat mill-Awtorità tax-Xandir u l-Kunsill Nazzjonali tal-Ilsien Malti.
Nikkonferma li jiena nikteb u naqra bil-Malti fuq il-mezzi tax-xandir u li nista’ nsegwi dan il-kors online minn post għall-kwiet, bil-kamera mixgħula, fit-13, 20, 27 ta’ Jannar u fit-3, 7, 17 u 24 ta’ Frar 2022 mid-9:00 sal-11:00am.
Isem u kunjom: ________________________________________________
Stazzjon/kumpanija: ________________________________________________
Kariga/rwol: ________________________________________________
Livell edukattiv: ________________________________________________
Indirizz elettroniku: ________________________________________________
Numru ta’ kuntatt: ________________________________________________
Il-ħlas ta’ €25 mal-applikazzjoni bgħattu b’ċekk/trasferiment bankarju fil-kont tal-Lombard Bank nru (MT58LBMA05000000000001172103044) lill-Awtorità tax-Xandir.
Dr Joanna Spiteri
Kap Eżekuttiv
23 ta’ Diċembru, 2021
Ref. 73/01