Stqarrija għall-Istampa
Press Release
28 ta’ Novembru 2020
PR 17/20
Rapurtaġġ dwar ħruq fl-uffiċji tal-Awtorità tax-Xandir
B’referenza għal rapporti li dehru f’uħud mill-mezzi tax-xandir, l-Awtorità tax-Xandir tixtieq tiċċara li ilbieraħ ma kien hemm l-ebda ħruq jew nirien fil-bini tal-Awtorità tax-Xandir fil-Ħamrun. Irriżulta li minħabba li kien hemm qtugħ tal-provvista tal-elettriku fl-inħawi tal-Ħamrun, tqabbad awtomitakment is-servizz tal-generator li għandha l-Awtorità tax-Xandir. Kif dan inxtegħel, l-exhaust qajjem suspett ta’ ħruq mill-ġirien.
Id-Dipartiment tal-Protezzjoni Ċivili ssejħu immedjatament fuq il-post biex jaraw li ma kien hemm l-ebda ħruq fl-uffiċji tal-Awtorità. L-Awtorità tax-Xandir tieħu din l-okkażjoni sabiex tirringrazzja lill-ġirien u lill-ħaddiema tal-Protezzjoni Ċivili kif ukoll lill-Pulizija li immedjatament waslu fuq il-post.