Ċirkulari 01/26
Ċirkulari lill-istazzjonijiet kollha tat-televiżjoni lokali
Reklam ta’ Zayn’s Households
Qed issir referenza għal reklam li bħalissa qed jixxandar fuq l-istazzjonijiet televiżivi lokali bi promozzjoni għal Zayn’s Households. F’dan ir-reklam jidher minorenni jilgħab b’apparat domestiku, fosthom appliances li jaħdmu bid-dawl u bil-gass, bħal fridges u barbecues, kif ukoll jidher bilqiegħda ġewwa fridge.
Fid-dawl tal-provvedimenti tal-L.S.350.05, Kodiċi tax-Xandir dwar il-Protezzjoni tal-Minuri, tali kontenut jikkostitwixxi eżempju ħażin, u jista’ joħloq riskju għas-sigurtà tal-minorenni li mhux dejjem ikunu f’pożizzjoni li jiddistingwu bejn realtà, finzjoni jew stħajjil.
Għaldaqstant, l-istazzjonijiet kollha tat-televiżjoni lokali huma mitluba sabiex minnufih jieqfu jxandru dan ir-reklam fil-forma kurrenti.
Din iċ-ċirkulari qed tinħareġ b’effett immedjat. In-nuqqas ta’ ħarsien ta’ din iċ-ċirkulari jikkostitwixxi ksur tal-Paragrafu 20 tal-imsemmi Kodiċi u jista’ jwassal għall-impożizzjoni ta’ penali amministrattiva sa massimu ta’ €2,330.
Nirringrazzjawkom bil-quddiem tal-koperazzjoni.
Dr Joanna Spiteri
Kap Eżekuttiv
22 ta’ April 2026
Ref. 36/00